ကျွန်ုပ်တို့၏ Online Panel Discussion ဖြစ်သော “The Culture We Create: Leadership, Behaviour and the Changing Workplace” ကို ၂၀၂၆ ခုနှစ်၊ အောက်တိုဘာလ ၂၂ ရက်၊ ကြာသပတေးနေ့တွင် Zoom မှတစ်ဆင့် အောင်မြင်စွာ ကျင်းပပြုလုပ်ခဲ့ပြီး တက်ရောက်သူ ၇၅ ဦးခန့် ပါဝင်ခဲ့ကြပါသည်။

ဆွေးနွေးပွဲတွင် ခေါင်းဆောင်များ၏ အပြုအမူများက လုပ်ငန်းခွင်ယဉ်ကျေးမှုအပေါ် မည်သို့သက်ရောက်မှုရှိသည်၊ လုပ်ငန်းခွင်အတွင်း အဆိပ်အတောက်ဖြစ်စေသော ယဉ်ကျေးမှု၏ အစောပိုင်းလက္ခဏာများနှင့် AI နည်းပညာတိုးတက်လာမှု၊ မျိုးဆက်အလိုက် ကွဲပြားမှုများက အလုပ်လုပ်ပုံနှင့် သင်ယူပုံတို့ကို မည်သို့ပြောင်းလဲစေလျက်ရှိသည်ကို အမြင်ချင်းဖလှယ် ဆွေးနွေးခဲ့ကြပါသည်။

တန်ဖိုးရှိသော အတွေ့အကြုံများနှင့် အမြင်များကို မျှဝေပေးခဲ့ကြသည့် ဆွေးနွေးသူများဖြစ်သော U Zaw Moe Thant (Group CEO, ACE Data Systems Ltd)၊ U Tun Tun Linn (Country Managing Director, True Money Myanmar) နှင့် Daw Kim Chawsu (Board Member, Myanmar Institute of Directors) တို့အား ကျေးဇူးအထူးတင်ရှိပါသည်။ ဆွေးနွေးပွဲတွင် ပါဝင်တက်ရောက်ပြီး အားဖြည့်ပေးခဲ့ကြသူအားလုံးကိုလည်း ကျေးဇူးတင်ရှိပါသည်။

Board/Company Secretary Program Batch 9 အောင်မြင်စွာ ပြီးဆုံးခြင်း

MIoD ၏ Board/Company Secretary Program Batch 9 ကို ၂၀၂၆ ခုနှစ်၊ အောက်တိုဘာလ ၁၀ ရက်နှင့် ၁၁ ရက်နေ့တို့တွင် အောင်မြင်စွာ ကျင်းပပြီးစီးခဲ့ပါသည်။

ယခုအစီအစဉ်တွင် ပါဝင်မျှဝေပေးခဲ့ကြသော ဆရာမကြီးများနှင့် ဆရာကြီးများဖြစ်သည့် Daw Thuzar Win, Daw Min Min Ayer Naing, Daw Wah Wah Min, U Myo Min, Daw Khine Wai Thwe နှင့် Daw Nandar Thaung တို့အား အထူးကျေးဇူးတင်ရှိပါသည်။

🎊 Board/Company Secretary Program ကို အောင်မြင်စွာ ပြီးမြောက်ခဲ့ကြသော သင်တန်းသား၊ သင်တန်းသူများအားလုံးကို ဂုဏ်ယူဝမ်းမြောက်စွာဖြင့် ဂုဏ်ပြုအပ်ပါသည်။

ဤအစီအစဉ်မှတစ်ဆင့် Company Secretary နှင့် Corporate Governance Professional များ၏ အဓိကတာဝန်ဝတ္တရားများ၊ မြန်မာနိုင်ငံရှိ ကုမ္ပဏီအမျိုးအစားအလိုက် လိုက်နာရမည့် ဥပဒေနှင့် စည်းမျဉ်းစည်းကမ်းဆိုင်ရာ လိုအပ်ချက်များ၊ ပြင်ပအစီရင်ခံတင်ပြမှုများ၊ အစည်းအဝေးစီမံခန့်ခွဲမှုဆိုင်ရာ အကြောင်းအရာများဖြစ်သည့် အစည်းအဝေးအမျိုးအစားများ၊ အကျိုးစီးပွားပဋိပက္ခများ၊ အစည်းအဝေးမှတ်တမ်းများနှင့် သတ်မှတ်အချိန်ကာလများအပြင် ဒါရိုက်တာများ၏ တာဝန်ဝတ္တရားများနှင့် အခြေခံကော်ပိုရိတ်အုပ်ချုပ်မှုဆိုင်ရာ အကြောင်းအရာများကိုလည်း လေ့လာဆွေးနွေးခဲ့ကြပါသည်။ ထို့အပြင် နိုင်ငံတကာနှင့် မြန်မာနိုင်ငံအဆင့် ကော်ပိုရိတ်အုပ်ချုပ်မှုဆိုင်ရာ ကျင့်ဝတ်စံနှုန်းများနှင့် လက်တွေ့ကျင့်သုံးပုံများကိုလည်း ထည့်သွင်းလေ့လာခဲ့ကြပါသည်။

သင်တန်းမှ ရရှိခဲ့သော အသိပညာနှင့် အတွေ့အကြုံများကို မိမိတို့၏ လုပ်ငန်းခွင်များတွင် ထိရောက်စွာ ပြန်လည်အသုံးချနိုင်ကြပါစေကြောင်း ဆုမွန်ကောင်းတောင်းအပ်ပါသည်။

Finance for Directors Program Batch 5 ကို ၂၀၂၆ ခုနှစ်၊ စက်တင်ဘာလ ၁၉ – ၂၀ ရက်နှင့် ၂၆ – ၂၇ ရက်တို့တွင် Online ဖြင့် ၄ ရက်ခွဲကြာ အောင်မြင်စွာ ကျင်းပပြီးစီးခဲ့ပါသည်။

အဆိုပါအစီအစဉ်တွင် မြန်မာနိုင်ငံရှိ ကုမ္ပဏီများမှ ဒါရိုက်တာများ၊ ဘုတ်အဖွဲ့ဝင်များနှင့် အကြီးတန်းစီမံခန့်ခွဲမှုအဖွဲ့ဝင်များ အပါအဝင် သင်တန်းသားများ ပါဝင်တက်ရောက်ခဲ့ကြပြီး အပြန်အလှန်ဆွေးနွေးမှုများ၊ Group Case Study များမှတစ်ဆင့် ၎င်းတို့၏ အတွေ့အကြုံများနှင့် အမြင်များကို တက်ကြွစွာ မျှဝေခဲ့ကြပါသည်။

အစီအစဉ်အတွင်း တက်ကြွစွာ ပါဝင်ဆွေးနွေးပေးခဲ့ကြသော သင်တန်းသားများအားလုံးကို MIoD မှ ကျေးဇူးအထူးတင်ရှိပါသည်။

ထို့အပြင် အစီအစဉ်ကို မျှဝေပေးခဲ့ကြသော Faculty များဖြစ်သည့် Daw Thuzar Win၊ Daw Kim Chawsu နှင့် Daw Thin Thin Myat တို့အပြင် အထူးဧည့်သည်ဟောပြောသူ Daw Tin Tin Nyo တို့အားလည်း အထူးကျေးဇူးတင်ရှိပါသည်။

🎊 သင်တန်းပြီးဆုံးအောင်မြင်ခဲ့ကြသော သင်တန်းသားများအားလုံးကို ဂုဏ်ယူဝမ်းမြောက်စွာဖြင့် ဂုဏ်ပြုအပ်ပါသည်။ 🎊

Finance for Directors Program တွင် တက်ကြွစွာ ပါဝင်တက်ရောက်ခဲ့မှုအတွက် အသိအမှတ်ပြုလက်မှတ်များ ရရှိခဲ့ကြသော သင်တန်းသားများအားလုံးအတွက်လည်း ဂုဏ်ယူဝမ်းမြောက်ပါသည်။

၂၀၂၆ ခုနှစ်၊ မေလ ၉ ရက်နေ့တွင် “Building Great Businesses That Last” Program Batch 1 ကို Inya Lake Hotel ၌ အောင်မြင်စွာ ကျင်းပပြုလုပ်ခဲ့ပါသည်။

Founder များ၊ Business Owner များနှင့် Next-Generation Leader များအတွက် ရည်ရွယ်ပြုလုပ်ထားသည့် တစ်ရက်တာ Program ဖြစ်ပြီး လုပ်ငန်းများကို ရေရှည်တည်တံ့စွာ တိုးတက်ချဲ့ထွင်နိုင်ရန် Stronger Governance၊ Financial Discipline၊ Organisational Capability၊ Competitiveness နှင့် Continuity တို့အပေါ် အဓိကထား ဆွေးနွေးလေ့လာခဲ့ကြပါသည်။

Practical Case Studies များ၊ Interactive Discussions များနှင့် Action Planning Sessions များမှတစ်ဆင့် ရေရှည်တည်တံ့သည့် လုပ်ငန်းများအတွက် အရေးကြီးသည့် 4Cs Framework ဖြစ်သော Capital၊ Capability၊ Competitiveness နှင့် Continuity တို့ကို Governance ကို အခြေခံ၍ လေ့လာဆွေးနွေးခဲ့ကြပါသည်။

Program တစ်လျှောက် တန်ဖိုးရှိသည့် အတွေ့အကြုံများနှင့် အကြံပြုချက်များကို မျှဝေပေးခဲ့ကြသည့် Faculty Members များဖြစ်သော Daw Khine Wai Thwe၊ Dr. Aye Aye Mar နှင့် Daw Nandar Thaung တို့အား အထူးကျေးဇူးတင်ရှိပါသည်။ 🙏

🎊 Batch 1 တွင် တက်ကြွစွာ ပါဝင်ဆွေးနွေးခဲ့ကြပြီး ရေရှည်တည်တံ့ခိုင်မာသည့် အဖွဲ့အစည်းများ တည်ဆောက်ရန် ကြိုးပမ်းခဲ့ကြသည့် Participants များအားလုံးကို ဂုဏ်ပြုဝမ်းမြောက်ပါသည်။ 🎊

Director Certification Program (DCP) Batch 18 ကို ၂၀၂၆ ခုနှစ်၊ မတ်လ ၂၁ – ၂၂ ရက်နှင့် ၂၈ – ၂၉ ရက်နေ့များတွင် Meliá Yangon ၌ လေးရက်တာ လူကိုယ်တိုင်တက်ရောက်သည့် Weekend Program အဖြစ် အောင်မြင်စွာ ကျင်းပပြီးစီးခဲ့ပါသည်။

ယခု Program တွင် ပါဝင်ပို့ချပေးခဲ့ကြသည့် Faculty Members နှင့် Invited Speakers များဖြစ်သော Dr. Thaung Han, Daw Win Win Tint, Daw Thuzar Win, Daw Kim Chawsu, Dr. Tun Thura Thet, Daw Thin Thin Myat, U Myo Min, Daw Min Min Ayer Naing, Mr. Nicolas Delange, U Thet Htun Oo နှင့် Daw Khine Wai Thwe တို့အား အထူးကျေးဇူးတင်ရှိပါသည်။ 🙏

🎊 DCP Batch 18 ကို အောင်မြင်စွာ ပြီးမြောက်ခဲ့ကြသည့် Certified Directors များအားလုံးကို ဂုဏ်ပြုဝမ်းမြောက်ပါသည်။ 🎊

DCP Batch 18 တွင် မြန်မာနိုင်ငံရှိ ကုမ္ပဏီများမှ Directors များ၊ Board Members များနှင့် Senior Management များ အများစု ပါဝင်တက်ရောက်ခဲ့ကြပါသည်။

Program အတွင်း ဆွေးနွေးလေ့လာခဲ့ကြသည့် အကြောင်းအရာများနှင့် DCP18 cohort အချင်းချင်း အပြန်အလှန်ဆွေးနွေးဖလှယ်မှုများမှတစ်ဆင့် Corporate Governance နှင့် အထူးသဖြင့် Board Director တစ်ဦးအနေဖြင့် မိမိ၏အခန်းကဏ္ဍနှင့် တာဝန်များအပေါ် ပိုမိုနားလည်သဘောပေါက်လာစေခဲ့မည်ဟု မျှော်လင့်ပါသည်။

ထို့အပြင် Program မှ ရရှိခဲ့သည့် အသိပညာများနှင့် လက်တွေ့အသုံးချနိုင်သည့် Tools များသည် Senior Leaders နှင့် Board Directors များအနေဖြင့် မိမိတို့၏ ခေါင်းဆောင်မှုစွမ်းရည်များကို ဆက်လက်တိုးတက်စေရန်နှင့် မိမိတို့၏ အဖွဲ့အစည်းများကို ပိုမိုကောင်းမွန်ခိုင်မာလာစေရန် အထောက်အကူပြုနိုင်မည်ဟု မျှော်လင့်ပါသည်။

𝗕𝗼𝗮𝗿𝗱/𝗖𝗼𝗺𝗽𝗮𝗻𝘆 𝗦𝗲𝗰𝗿𝗲𝘁𝗮𝗿𝘆 𝗣𝗿𝗼𝗴𝗿𝗮𝗺 Batch 8 ကို ၂၀၂၆ ခုနှစ်၊ ဇန်နဝါရီလ ၁၇ နှင့် ၁၈ ရက်နေ့များတွင် အောင်မြင်စွာ ကျင်းပပြီးစီးခဲ့ပါသည်။

ယခု Program တွင် ပါဝင်ပို့ချပေးခဲ့ကြသည့် Faculty Members နှင့် Invited Speakers များဖြစ်သော Daw Khine Khine Nwe, Daw Min Min Ayer Naing, U Myo Min, Daw Khine Wai Thwe နှင့် Daw Nandar Thaung တို့အား အထူးကျေးဇူးတင်ရှိပါသည်။ 🙏

🎊 Board/Company Secretary Program ကို အောင်မြင်စွာ ပြီးမြောက်ခဲ့ကြသည့် တက်ရောက်သူများအားလုံးကို ဂုဏ်ပြုဝမ်းမြောက်ပါသည်။ 🎊

Program အတွင်း Company Secretary/Governance Professional တစ်ဦး၏ အဓိကတာဝန်များ၊ မြန်မာနိုင်ငံရှိ ကုမ္ပဏီအမျိုးအစားအလိုက် Statutory Compliance နှင့် သက်ဆိုင်သည့် ဥပဒေနှင့် စည်းမျဉ်းစည်းကမ်းဆိုင်ရာ အကြောင်းအရာများ၊ External Reporting နှင့် Meeting Management တို့အပြင် Meeting အမျိုးအစားများ၊ Conflict of Interest၊ Meeting Minutes နှင့် သတ်မှတ်အချိန်ကာလများကို လေ့လာခဲ့ကြပါသည်။

ထို့အပြင် Director Duties နှင့် Basic Corporate Governance ဆိုင်ရာ အကြောင်းအရာများ၊ နိုင်ငံတကာနှင့် မြန်မာနိုင်ငံအဆင့် Corporate Governance Codes နှင့် ကျင့်သုံးပုံနည်းလမ်းများကိုလည်း လေ့လာဆွေးနွေးခဲ့ကြပါသည်။

Program မှ ရရှိခဲ့သည့် အသိပညာနှင့် အတွေ့အကြုံများကို မိမိတို့၏ လုပ်ငန်းခွင်တွင် ထိရောက်စွာ အသုံးချနိုင်ကြမည်ဟု မျှော်လင့်ပါသည်။