Annual General Meeting (AGM) 2026
September 18, 2026
Myanmar Institute of Directors (MIoD) ၏ ၂၀၂၆ ခုနှစ် Annual General Meeting (AGM) ကို စက်တင်ဘာလ ၁၈ ရက်၊ သောကြာနေ့တွင် Zoom မှတစ်ဆင့် အောင်မြင်စွာ ကျင်းပပြုလုပ်ခဲ့ပါသည်။
အစည်းအဝေးကို Board Chair ဖြစ်သူ U Thura Ko Ko မှ ဦးဆောင်ခဲ့ပြီး Executive Director ဖြစ်သူ Daw Thiri Thant Mon မှ ၂၀၂၆ ခုနှစ် မတ်လ ၃၁ ရက်နေ့တွင် ကုန်ဆုံးသည့် ဘဏ္ဍာနှစ်အတွက် Directors’ Report နှင့် MIoD Annual Report တို့ကို တင်ပြခဲ့ပါသည်။ ထို့အပြင် Financial Statements များကို အတည်ပြုခြင်းနှင့် MIoD ၏ Policy Document နှင့် Constitution အသစ်တို့ကို အတည်ပြုခြင်းများလည်း ပြုလုပ်ခဲ့ပါသည်။
AGM တွင် အောက်ပါ Directors ၇ ဦးအား ပြန်လည်ရွေးချယ်တင်မြှောက်ခဲ့ပါသည်။
💠 Dr. Thaung Han
💠 Dr. Tun Thura Thet
💠 Daw Thiri Thant Mon
💠 Daw Kim Chawsu Gyi
💠 U Myint Zaw
💠 Daw Su Sandar Zaw
💠 U Sai Lu Mon Aung
ထို့အပြင် MIoD ၏ ရှေ့ဆက်မည့်ခရီးအတွက် အခန်းကဏ္ဍသစ်တစ်ရပ်အဖြစ် Daw May Thet Win အား CEO အသစ်အဖြစ် မိတ်ဆက်ခဲ့ပါသည်။ MIoD မိသားစုမှ နွေးထွေးစွာ ကြိုဆိုလိုက်ပြီး ရှေ့ဆက်လက်လျှောက်လှမ်းမည့် ခရီးတွင် အတူတကွ လက်တွဲဆောင်ရွက်သွားရန် မျှော်လင့်ပါသည်။
Executive Director အဖြစ် တာဝန်ထမ်းဆောင်ခဲ့သည့် ကာလတစ်လျှောက် MIoD အတွက် အားသွန်ခွန်စိုက် ကြိုးပမ်းပေးခဲ့သည့် Daw Thiri Thant Mon အားလည်း အထူးကျေးဇူးတင်ရှိပါသည်။ ဆက်လက်၍ Board Member အဖြစ် MIoD အတွက် ပါဝင်ပံ့ပိုးပေးသွားမည့်အတွက်လည်း ဝမ်းမြောက်မိပါသည်။
တစ်ချိန်တည်းမှာပင် Retiring Board Members များဖြစ်ကြသည့် Dr. Su Hla Han နှင့် Daw Sandra Min၊ Retiring Board Secretary ဖြစ်သူ Dr. Sa Sa Nyunt တို့၏ MIoD အတွက် တန်ဖိုးရှိသော ဝန်ဆောင်မှုများ၊ ပံ့ပိုးကူညီမှုများနှင့် လမ်းညွှန်မှုများအတွက်လည်း အထူးကျေးဇူးတင်ရှိပါသည်။
MIoD ၏ ခရီးစဉ်တစ်လျှောက် အမြဲတမ်းပံ့ပိုးပေးခဲ့ကြသည့် Members များ၊ Board Members များ၊ Faculty များ၊ Partners များနှင့် Supporters များအားလုံးကို ကျေးဇူးအထူးတင်ရှိပါသည်။
ကောင်းမွန်သော Corporate Governance နှင့် Professional Directorship အလေ့အကျင့်များ ပိုမိုခိုင်မာတိုးတက်လာစေရန် အားလုံးနှင့်အတူ ဆက်လက်လက်တွဲဆောင်ရွက်သွားပါမည်။