အဖွဲ့အစည်းအတွက် နည်းဗျူဟာချမှတ်ခြင်းသည် ဒါရိုက်တာများဘုတ်အဖွဲ့၏ အဓိက အခန်းကဏ္ဍ တစ်ခု ဖြစ်ပါသည်။ ဤသင်တန်းတွင် ဘုတ်အဖွဲ့ဒါရိုက်တာများအနေဖြင့် အဖွဲ့အစည်းအတွက် နည်း ဗျူဟာကို အကဲဖြတ်သုံးသပ်ရန်၊ ချမှတ်ရန်နှင့် အကောင်အထည်ဖော်ရန်တို့အတွက် အသုံးပြုနိုင် သော အခြေခံအသိပညာနှင့် နည်းကိရိယာများကို လေ့လာကြရပါမည်။ ကျွန်ုပ်တို့အနေဖြင့် လုပ်ငန်း နယ်ပယ်များ၊ အပြိုင်အဆိုင်လုပ်ငန်းများ၊ သင့်အဖွဲ့အစည်း၏ အားသာချက်များနှင့် အားနည်း ချက်များကို ဆန်းစစ်ခြင်း၊ မဟာဗျူဟာကျနည်းလမ်းများကို အကဲဖြတ်ခြင်းနှင့် အရှိန်အဟုန်မြင့်သော မဟာဗျူဟာကျလုပ်ငန်းစဉ် တစ်ခုကို ဖန်တီးခြင်း တို့အတွက် မူဘောင်များနှင့် နည်းကိရိယာများကို လေ့လာကြရပါမည်။ သင်တန်းတွင် ထိရောက်မှုရှိသော နည်းဗျူဟာဖော်ဆောင်ရန်နှင့် ထိရောက်မှု ရှိသော စောင့်ကြည့်လေ့လာရေးနှင့် အကဲဖြတ်သုံးသပ်ရေး အစီအစဉ်တစ်ခု ထားရှိရန်အတွက် ဘုတ်အဖွဲ့နှင့် စီမံခန့်ခွဲမှုအကြား ပူးပေါင်းဆောင်ရွက်မှုကိုလည်း ဆန်းစစ်တင်ပြသွားပါမည်။
ဤသင်တန်းတွင် ဘုတ်အဖွဲ့အဆင့် ဆုံးရှုံးမှုဖြစ်နိုင်ခြေ ကြီးကြပ်ရေးတာဝန်၏ အခြေခံအချက်များ၊ ထိရောက်မှုရှိသော ဆုံးရှုံးမှုဖြစ်နိုင်ခြေစီမံခန့်ခွဲခြင်းက စီမံခန့်ခွဲမှု၊ လုပ်ဆောင်ချက်၊ ဘေးဒဏ်ခံနိုင်မှုနှင့် အများနှင့်ယှဉ်ပြိုင်ရာတွင် တစ်ပန်းသာမှုတို့ကို မြင့်တင်ပေးနိုင်ပုံတို့ကို လေ့လာကြရပါမည်။ ကျွန်ုပ်တို့ က ပြင်းထန်မှု၊ ဖြစ်နိုင်ခြေများ၊ ဆုံးရှုံးမှုဖြစ်နိုင်ခြေအချက်များ၏ အပြန်အလှန်ချိတ်ဆက်မှုတို့ကို ဆန်းစစ်လေ့လာ၍ ဆုံးရှုံးမှုဖြစ်နိုင်ခြေအမျိုးအစားများကို ဖော်ထုတ်လေ့လာခြင်းနှင့် စီးပွားရေး လုပ်ငန်းအနေဖြင့် ဆုံးရှုံးမှုဖြစ်နိုင်ခြေ လက်ခံနိုင်သည့်ပမာဏကို နားလည်သဘောပေါက်ခြင်းနှင့် သတ်မှတ်ခြင်း၊ လျော့ပါးသက်သာစေသည့် အချက်များကို ဖော်ထုတ်ခြင်းနှင့် ဆုံးရှုံးမှုဖြစ်နိုင်ခြေ ကော်မတီများ၏ အခန်းကဏ္ဍကို အသုံးချခြင်းဖြင့် မသေချာမှုများအတွက် ကြိုတင်ပြင်ဆင်၍ ဖြေရှင်း ဆောင်ရွက်နိုင်ပုံတို့ကို လေ့လာသွားပါမည်။
ဆက်ခံမှုအစီအစဉ်နှင့် ကြွယ်ဝမှုလွှဲပြောင်းခြင်း ကိစ္စရပ်များ၊ စီမံခန့်ခွဲမှုအမှားများနှင့် ပဋိပက္ခများ၊ ၎င်းတို့အားလုံးသည် မိသားစုပိုင်ကုမ္ပဏီများ မျိုးဆက်အဆင့်ဆင့် ကြီးထွားလာသောအခါ တွေ့ကြုံရ သည့် ပြဿနာများဖြစ်သည်။ ၎င်းဆုံးရှုံးမှု ဖြစ်နိုင်ခြေများကို မည်သို့ လျော့ပါးသက်သာစေနိုင်ပါ သနည်း။
မိသားစုတွင်းစီမံအုပ်ချုပ်မှု (စီးပွားရေးအလေ့အထများကို လမ်းညွှန်ပေး၍ မိသားစုအချင်းချင်း စီမံ အုပ်ချုပ်ရာတွင် အထောက်အကူပြုသည့် မူဝါဒများနှင့် လုပ်ထုံးလုပ်နည်းများ) သည် မိသားစုပိုင် စီးပွားရေးလုပ်ငန်း၊ မိသားစုပိုင်ရင်းမြစ်များနှင့် မိသားစုတွင်းဟန်ချက်ညီမှုတို့ကို ကြာရှည်စွာထိန်း သိမ်းထားနိုင်စေသည့် အကောင်းဆုံးနည်းလမ်းဖြစ်သည်။
|| ဌာနတွင်း စာရင်းစစ်မှုကို ဆောင်ရွက်ခြင်းဖြင့် ဆုံးရှုံးမှုအန္တရာယ်ကို လျော့ပါးသက်သာစေပြီး စီမံခန့်ခွဲမှုအမှားများ မဖြစ်အောင် ကာကွယ်ပေးခြင်း ||
| သင်တန်းအကြောင်း
MIoD ၏ ဌာနတွင်းစာရင်းစစ်ခြင်းဆိုင်ရာ အဆင့်မြင့်သင်တန်းအစီအစဉ် (IAMP) သည် ဌာနတွင်း စာရင်းစစ်မှုဆိုင်ရာ နည်းစနစ်များနှင့် အကောင်းဆုံးသော စီမံဆောင်ရွက်ချက်များ၏ အခြေခံကျသော အချက်များကို ထဲထဲဝင်ဝင်သိရှိစေရန် ပံ့ပိုးပေးပါသည်။ ဤအစီအစဉ်သည် ဌာနတွင်း စာရင်းစစ်များကို ၎င်းတို့ တာဝန်ထမ်းဆောင်နေသည့် ကုမ္ပဏီများ၌ ထိရောက်သော ဌာနတွင်း စာရင်းစစ်မှုဆိုင်ရာ စီမံဆောင်ရွက်ချက်များကို အကောင်အထည်ဖော်ဆောင်ရွက်ရာတွင် ကူညီပေးရန် ရည်ရွယ်ပါသည်။ လွတ်လပ်၍ ကောင်းမွန်စွာ လုပ်ငန်းဆောင်ရွက်နေသည့် ဌာနတွင်း စာရင်းစစ်ဌာနသည် ဆုံးရှုံးမှုအန္တရာယ်ကို လျော့ပါးသက်သာစေပြီး စီမံခန့်ခွဲမှုအမှားများမဖြစ်အောင် ကာကွယ်ပေးရာ၌ အရေးကြီးသည့် အခန်းကဏ္ဍမှ ပါဝင်ပါသည်။ ထို့ပြင် ၎င်းသည် စာရင်းစစ်ကော်မတီကိုလည်း ကုမ္ပဏီ၏ ထိန်းချုပ်မှုဝန်းကျင်နှင့်စပ်လျဉ်း၍ အချိန်မီ၊ တိကျ၍ ပြည့်စုံသော တုံ့ပြန်အကြံပြုချက်များကို လက်ခံ ရရှိစေပါသည်။
| သင်တန်းတွင် အောက်ပါအကြောင်းအရာများ ပါဝင်သည်။
ဤသင်တန်းတွင် သတ်မှတ်အရေးကိစ္စများအတွက် လက်တွေ့အသုံးချမှုများနှင့် စပ်လျဉ်းသည့် ဆွေးနွေးပွဲကို ပိုမိုချောမွေ့စေရန်အလို့ငှာ လူဦးရေအနည်းငယ်သာ ပါဝင်တက်ရောက်နိုင်ရန် ကန့်သတ်ထားပါသည်။ အဓိကသင်ခန်းစာများတွင် လမ်းညွှန်မှုပေး၍ လုပ်ငန်းစီမံချက် ရေးဆွဲစေခြင်းနှင့် ဆွေးနွေးမှုကို တိုက်တွန်းအားပေးပြီး ပါဝင်တက်ရောက်သူအချင်းချင်း နှီးနှောဖလှယ်နိုင်သည့် အခွင့်အလမ်းများကို များနိုင်သမျှများစေရန် စီစဉ်ရေးဆွဲထားသည့် ထဲထဲဝင်ဝင် ဆင်ခြင်သုံးသပ်ရမည့် ဖြစ်ရပ်လေ့လာချက်များ ပါဝင်ပါသည်။ ပါဝင်တက်ရောက်သူများအနေဖြင့် ၎င်းတို့၏ ကုမ္ပဏီနှင့် အဖွဲ့အစည်းများအတွက် အံဝင်ခွင်ကျဖြစ်အောင် စီမံထားသည့် တိုးတက်ကောင်းမွန်စေရေး စီမံချက်ကို သင်ယူတတ်မြောက်ကာ သင်တန်းဆင်းနိုင်လိမ့်မည် ဖြစ်ပါသည်။
| တက်ရောက်စေလိုသူများ
| သင်တန်းတွင် အသုံးပြုမည့်ဘာသာစကား
ပြည်တွင်းပြည်ပမှ ဆရာများက အင်္ဂလိပ်ဘာသာစကားနှင့် မြန်မာဘာသာစကားတို့ကိုအသုံးပြု၍ ဤအစီအစဉ်ကို သင်ကြားပို့ချပါသည်။
| သင်တန်းကြာချိန်
နှစ်ရက်တာ သင်တန်း (နံနက် ၈ နာရီခွဲမှ ညနေ ၅ နာရီခွဲအထိ)
| သင်တန်းပို့ချပုံ
ပညာရပ်နယ်ပယ်မှ ထိပ်တန်းပညာရှင်များနှင့် စီနီယာလုပ်ငန်းရှင်များ သင်ကြားသော အတန်းလိုက် အတုံ့အလှယ်ဆွေးနွေးနိုင်သည့် ပို့ချချက်များ
MIoD အဖွဲ့ဝင် – ၉၀၀ USD (အခွန်နှင့် ဘဏ်မှကောက်ခံသော အခကြေးငွေများ မပါဝင်ပါ။)
MIoD အဖွဲ့ဝင်မဟုတ်သောသူ – ၁,၀၀၀ USD (အခွန်နှင့် ဘဏ်မှကောက်ခံသော အခကြေးငွေများ မပါဝင်ပါ။)
| စာရင်းသွင်းခြင်း
rsvp@myanmariod.com သို့မဟုတ် မြန်မာဒါရိုက်တာများအင်စတီကျုရုံးထံ ဆက်သွယ်ပါ။
ဖုန်းနံပါတ် +၉၅ ၉ ၄၀၀၁၅၁၄၁၂၊ ၄၀၀၁၅၁၄၁၉
|| ကော်ပိုရိတ်ဦးဆောင်မှုကို ဆောင်ရွက်နေသော အမျိုးသမီးများအတွက် အတုံ့အလှယ်ဖြစ်သော လက်တွေ့သင်တန်း ||
ကမ္ဘာအနှံ့မှ မြောက်များလှစွာသော လေ့လာချက်များသည် ကျား/မရေးရာ ကွဲပြားစုံလင်မှု၏ အရေးပါပုံ ကို ဖော်ပြလျက်ရှိပါသည်။ ဘုတ်အဖွဲ့နှင့် အကြီးတန်းစီမံအုပ်ချုပ်သူများအနက် အမျိုးသမီးဦးရေ ပိုမိုများပြားသည့် ကုမ္ပဏီများသည် ထိပ်တန်းရာထူးနေရာများတွင် အမျိုးသမီးများမရှိသည့် ကုမ္ပဏီများ ထက် ဘဏ္ဍာရေးအရ သာလွန်ကောင်းမွန်နေသည်ကို တွေ့ရပါသည်။ တိုးတက်လာသော ဘဏ္ဍာရေးနှင့် ဈေးကွက်စွမ်းဆောင်ချက်တို့ကြောင့် ယင်းအထောက်အထားသည် ပိုမိုထင်ရှားလာပါသည်။ ကွဲပြား စုံလင်သောသူများဖြင့် ဖွဲ့စည်းထားသော အသင်းအဖွဲ့များသည် အကြံဉာဏ်သစ်များကို စဉ်းစားဖော်ထုတ် ခြင်းနှင့် အုပ်စုလိုက်တွေးခေါ်ဆုံးဖြတ်ခြင်းမျိုး မလုပ်မိအောင် ရှောင်ကြဉ်ခြင်းတို့တွင်လည်း ပိုမို ကောင်းမွန်ပါသည်။ (ဆုံးရှုံးမှုအန္တရာယ်နှင့် စာရင်းစစ်မှု ကဲ့သို့သော) အရေးကြီးဘုတ်အဖွဲ့ ကော်မတီများတွင် အမျိုးသမီးများ ပါဝင်နေခြင်းနှင့် စီမံအုပ်ချုပ်မှုဆိုင်ရာ အရေးကိစ္စများနှင့်စပ်လျဉ်း၍ ပိုမိုတာဝန်ခံယူမှုရှိသော ချဉ်းကပ်နည်းတို့အကြားတွင် အပြန်အလှန်ဆက်နွှယ်မှု ရှိနေပါသည်။ ကျား/မရေးရာ ကွဲပြားစုံလင်မှုရှိသော ဘုတ်အဖွဲ့များသည် စာရင်းစစ်မှုဆိုင်ရာ သတင်းအချက်အလက် များနှင့် ဆက်စပ်သည့် ဖြောင့်မတ်မှန်ကန်မှုကို အတည်ပြုစစ်ဆေးခြင်းနှင့် အကျိုးစီးပွားပဋိပက္ခဖြစ်မှု ဆိုင်ရာ လမ်းညွှန်ချက်များအား လိုက်နာမှုရှိစေရန် ကြီးကြပ်ဆောင်ရွက်ခြင်းတို့ အပါအဝင် စောင့်ကြည့်လေ့လာမှုပြုသည့် နေရာများတွင် ပိုမိုအလေးထားဆောင်ရွက်ပါသည်။ နောက်ဆုံးအနေဖြင့် လုပ်သားအင်အားမှ ကျား/မရေးရာ ကွာဟချက်ကို လျှော့ချခြင်းသည် သုံးသင့်သလောက် အသုံးချခံရခြင်းမရှိသည့် စွမ်းရည်ပြည့်ဝသူ အမျိုးသမီးများကို အကျိုးရှိရှိအသုံးချခြင်းဖြင့် ရရှိနိုင်သော ဝန်ထမ်းဦးရေကို ပိုမိုများပြားစေပြီး နိုင်ငံ၏ဂျီဒီပီကိုလည်း ပိုမိုတိုးတက်စေနိုင်မည့် အလားအလာ ရှိပါသည်။
သို့ရာတွင် ပညာတတ်ဖြစ်၍ အတွေ့အကြုံရင့်သန်သော အမျိုးသမီးစီးပွားရေးခေါင်းဆောင် ဦးရေသည် ဆက်လက်တိုးမြင့်နေသော်လည်း ကုမ္ပဏီဘုတ်အဖွဲ့များတွင် အမျိုးသမီးဦးရေ ပိုမိုပါဝင်လာခြင်းနှင့် စပ်လျဉ်း၍မူ တိုးတက်မှုနှုန်းထားသည် နှေးကွေးလျက်ရှိပါသည်။ ဘုတ်အဖွဲ့ဝင်အမျိုးသမီး ရာခိုင်နှုန်းသည် (၇.၈%) ရှိပြီး ဘုတ်အဖွဲ့ဥက္ကဋ္ဌအမျိုးသမီး ရာခိုင်နှုန်းသည် (၂.၆%) ရှိသောကြောင့် အာရှတိုက်သည် ဘုတ်အဖွဲ့တွင်အမျိုးသမီးများပါဝင်မှုအရ တိုက်ကြီး ၇ တိုက်အနက် ဆဋ္ဌမမြောက် နေရာတွင် ရှိပါသည်။
| လက်တွေ့သင်တန်းတွင် ပါဝင်မည့်အကြောင်းအရာများ
အဆိုပါတစ်ရက်တာလက်တွေ့သင်တန်းတွင် အတွေ့အကြုံရင့် ဦးဆောင်ဆွေးနွေးသူက ပါဝင်တက်ရောက်သူများအား ၎င်းတို့၏ ကိုယ်ပိုင်အဖွဲ့အစည်းများအတွင်း လက်ရှိဖြစ်ပျက်နေသည့် ကျား/မရေးရာ ကွာဟချက်များအကြောင်းကို ဆွေးနွေး၍ သတိမမူမိဘဲ ပြုလုပ်မိတတ်သော ဘက်လိုက်မှုများကို မီးမောင်းထိုးပြသပြီး ၎င်းတို့၏ ကိုယ်ပိုင်အဖွဲ့အစည်းများအတွင်း ပြောင်းလဲမှုကို အားပေးကူညီရန်အတွက် လက်တွေ့ကျသော မဟာဗျူဟာများ၊ နည်းကိရိယာများနှင့် နည်းစနစ်များကို အသုံးပြု၍ ၎င်းတို့ကို စိတ်ဓာတ်ရေးရာ၌ အသင့်ဖြစ်စေရန် လမ်းညွှန်ပေးမည်ဖြစ်သည်။
| လက်တွေ့သင်တန်းတွင် အသုံးပြုမည့်ဘာသာစကား
လက်တွေ့သင်တန်းတွင် အင်္ဂလိပ်ဘာသာစကားဖြင့် ပို့ချမည်ဖြစ်ပါသည်။
| စာရင်းသွင်းခြင်း
rsvp@myanmaroid.com သို့မဟုတ် မြန်မာဒါရိုက်တာများအင်စတီကျုရုံးထံ ဆက်သွယ်ပါ။
ဖုန်းနံပါတ် +၉၅ ၉ ၄၀၀၁၅၁၄၁၂၊ ၄၀၀၁၅၁၄၁၉
